Драмски театар ќе промовира монографија за Ристо Стефановски
Светскиот ден на театарот – 27 март во НУ Драмски театар Скопје ќе се одбележи со промоција на монографијата „Ристо Стефановски“, а настанот ќе почне во 18 часот.
Промотор на монографското издание ќе биде Искра Гешоска, теоретичарка на книжевност и уметност. Актерите Александар Степанулески, Предраг Павловски, Маја Вељковиќ-Пановска и Јована Спасиќ пред посетителите ќе прочитаат делови од книгата.
Во чест на Ристо Стефановски и неговата посветеност во развојот на театарот големата сала во Драмски театар Скопје ќе го носи името „Ристо Стефановски“.
Одбележувајќи го Светскиот ден на театарот претставите „Мојот маж“ во режија на Нела Витошевиќ, на 27 март, и „Пикник на фронтот“ во режија на Андреј Цветановски, на 4 април, за публиката ќе бидат со слободен влез со претходна најава на билетарницата на Драмски театар.