Од ЈСП-Скопје повторно упатија апел до студентите и повозрасните граѓани кои користат бесплатен јавен превоз да ја ги продолжат годишните билети за 2026 година, бидејќи доколку не ја исполнат оваа обвврска до 31 јануари, нивните билети ќе бидат автоматски блокирани.

„Рокот за заверка на студентскиот билет е продолжен до 20 јануари. До овој датум контролорите нема да изрекуваат казни, но по овој термин индексот или потврдата нема да се признаваат како документ за превоз. Потребни се потврда за редовен студент, индекс на увид и лична карта. На бруцошите од генерацијата 2025/2026 билетот им важи автоматски. Заверката за бесплатниот превоз за оваа категорија мора да се изврши до 31 јануари. Доколку билетите не се заверени до овој датум, истите ќе бидат автоматски блокирани“, велат од претпријатието

Оттаму потенцираа дека заверката се врши исклучиво со лично присуство и лична карта во било кој од центрите за персонализација.