Добитничката на Оскар и повеќекратната добитничка на Еми наградите Клорис Личман почина од природна смрт на 94 годишна возраст, јавува нејзината агентка.

„Ми беше чест да соработувам со Клорис, една од најуспешните актерки од нашето време. Таа имаше моќ со еден поглед да ви го скрши срцето или да ве насмее толку што солзи ќе ви потечат од радост“, изјави нејзината долгогодишна менаџерка Џулиет Грин.

Клорис е добитничка на Оскар за најдобра споредна улога во филмот „Последната кино претстава“, а може да се пофали и со 8 Еми награди.

Филмскатата академија официјално се збогуваше со актерката на својот официјален Твитер профил.

„Клорис Личман беше легенда на комедијата. Од нејзините улоги во шоуто „Мери Тајлер Мур“, до филмовите „Мел Брукс“ и Оскарот за уделот во „Последната кино претстава“, таа никогаш не ја загуби својата способност да шокира, воодушеви и изненади. Ќе недостасува“, пишува на нивниот официјален Твитер профил.