Според најновите податоци, во светот досега се регистрирани 290.897 луѓе заразени со новиот коронавирус. Од нив починати се 11.949, а оздравеле 93.618 лица.

– Целосна забрана за движење во дел од Босна и Херцеговина ќе стапи во сила денеска во 20 часот, соопшти  членот на претседателството на БиХ, Милорад Додик, објаснувајќи дека мерката се однесува на Република Српска.

– Србија има 14 нови случаи на инфекција со коронавирус, вкупно 149.

– Експерти потврдија дека сè уште нема докази дека Ковид-19 може да се шири по сексуален пат, но повторија дека респираторните болести може да се пренесе преку близок или директен контакт со оние кои се заразени.

– Британската Влада упати апел до граѓаните да пазарат согласно нивните потреби, и да мислат и на другите кога прават непотребни залихи.

– Во Иран има повеќе смртни случаи од алкохол отколку од Ковид-19. Во делови на таа земја се проширија гласини дека алкохолот спречува зараза. Од Ковид-19 во иранската провинција Фарс  досега починаа 13 лица, а од пиење чист индустриски алкохол – 66 лица.

– Се укинува јавниот превоз во цела Хрватска, на располагање само такси службите.

– Во цела Африка има 830 случаи на заразени со Ковид-19. Ангола регистрираше први два случаи, еден во Зимбабве, а на Маурициус расте загриженоста по првиот смртен случај.

– Германската канцеларка Ангела меркел е забележана како ги купува потребните производи од супермаркет во Берлин. По пазарањето на продуктите кои ќе и требаат за текот на викендот ги платила со картичка.