Дизајнерот на фамозниот фустан на Мерилин: Ким Кардашијан немаше право да го носи

Познатиот фустан на Мерилин Монро, Фото: Instagram, Profimedia

Легендарниот американски моден дизајнер Боб Меки го дизајнираше култниот „гол“ фустан за Мерилин Монро во 1962 година, кој го носеше додека му ја пееше „Happy Birthday“ на тогашниот претседател Џон Кенеди. Ким Кардашијан на овогодинешната Мет Гала ја носеше познатата креација, а на Меки тоа воопшто не му се допадна, пишува „Entertainment Weekly“.

 

View this post on Instagram

 

A post shared by Bob Mackie (@bobmackie)

– Мислам дека тоа е голема грешка. Мерилин беше божица. Луда божица, но божица. Беше едноставно фантастично, изјави 82-годишниот дизајнер. Додаде дека верува оти никој освен Мерилин не требало да го носи тој фустан.

– Јас го дизајнирав исклучиво за неа, рече тој.

Прекрасните фустани на Меки ги носеа многу познати диви, а некои од најпрепознатливите креации ги дизајнираше за пејачката Шер. Дизајнерот не е голем обожавател на семејството Кардашијан и претходно ги обвини дека ја копираат Шер.

Фото: Профимедиа

Цената на фустанот на Мерилин Монро е околу 5 милиони долари. Во 2016 година, го откупил музејот „Ripley’s Hollywood Boulevard“ кој го чува и денес. Станува збор за креација која е навистина значајна и чувствителна, па Ким оригиналната креација ја носеше само при прошетка на црвениот тепих, а кога влегла на забавата се пресоблекла во копија.

Бизарно: Ким го „извадила“ задникот и ослабнала 8 килограми за да влезе во прочуениот милионски фустан на Мерилин Монро

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот