Рајо Ваљекано со ремито против Реал Мадрид докажа сезонава има амбиции за висок пласман во „Ла Лига“ и да се бори за едно од местата кои водат во Европа.

Македонскиот репрезентативен голман Столе Димитриевски повторно блескаше во дресот на Рајо Ваљекано и со своите одлични одбрани ги запре ударите на „кралскиот“ клуб да дојдат до победата.

Во текот на мечот Димитриевски ги излуде играчите на Карло Анчелоти со своите одлични перформанси, а очигледно најмногу Бразилецот Винисиус Жуниор кој дури и му се закануваше на нашиот чувар на мрежата: „Јас и ти, надвор! Јас и ти, надвор“.

Vinicius speaking with Rayo Vallecano goalkeeper Dimitrievski: “You and me, outside!” (He threatens him outside the field when the match ends)!

He is the winner of Socrates Award. pic.twitter.com/RCiKir9Eou

— Rus (@RustumUU) November 5, 2023

Инцидентот создаде хаос во интервалот Димитриевски и Винисиус на натпреварот помеѓу Реал Мадрид и Рајо Ваљекано.

По мечот Димитриевски ја коментираше ситуацијата:

– Ми велеше „се гледаме во соблекувалната“… но со добри вибрации. Но, не се видовме.. Да го видев внатре, ќе го гушнев бидејќи ова е фудбал. Винисиус е одличен играч. Тоа се нормални ситуации кога се игра тензично. Тоа е дел од играта. Не треба на тоа да му даваме значење – вели Димитриевски.

Сите како фудбалски и спортски фанови се радуваме на новиот одличен настап на Столе Димитриевски, а ваквиот непрофесионален однос на Винисиус Жуниор кон Македонецот не оди во корист за фудбалер од светска класа, фудбалер кој неодамна ја доби наградата „Сократес“ за придонес во заедницата, односно ја препознава хуманитарната работа на играчот.

🗣️ Dimitrievski: “Vinicius said he will see me later? Good, I will give him a hug. He’s a great player.” pic.twitter.com/3MQJ6Ll9J7

— Madrid Xtra (@MadridXtra) November 5, 2023