Џинпинг: Кина во наредните пет години ќе увезе стоки од Централна и Источна Европа во вредност од 170 милијарди долари
Кина планира да го прошири увозот во наредните пет години од земји на Централна и Источна Европа и да увезе стоки во вредност од 170 милијарди долари, најави кинескиот претседател Си Џинпинг, пренесува бета.рс.
На видео средбата со претставници од 17 европски земји, тој истакна дека кинеско-европските односи напредувале лани и покрај влијаниетоп на пандемијата на ковид-19, пренесе кинеската медиумска мрежа ЦМГ.
– Двете страни го завршија преговорите околу договорот за инвестиции во предвидениот рок, потпишаа договор за географски ознаки, работеа на развој на меѓусебните партнерства во рамки на дигиталната соработка и на „зелената“ соработка, го сочуваа мултилатерализмот и реагираа на глобалните предизвици, рече Џинпинг во своето обраќање.
Шефот на кинеската држава додаде дека сега е најважно фокусот да биде на заедничката борба против пандемијата на опоравување на економиите од нејзините последици.
– Кина е подготвена да продолжи да обезбедува вакцини во рамки на своите можности и да придонесува за нивна рамномерна распределба и користење како глобално јавно добро, рече тој.
Истакна дека Србија добила милион дози на вакцини, дека Унгарија соработува со кинеските производители, но изрази и подготвеност на Кина за соработка со сите кои сакаат.
– Треба да соработуваме во висококвалитетна изградба на „Појаси и патишта“, да ја унапредуваме реализацијата на големите проекти, како брзата пруга од Белград до Будимпешта, но и да продолжиме со поддршка на развојот на товарниот железнички превоз меѓу Кина и Европа и во потполност да се кориостат потенцијалите за соработка, истакна Џинпинг.