Џенифер Анистон уште го носи прстенот од половина милион долари што ѝ го купил Бред Пит!
На почетокот од годинава се приширија гласини дека бившите сопружници Џенифер Анистон (51) и Бред Пит (56) се смириле, по средбата на доделувањето на САГ наградите во Лос Анџелес.
Бред тогаш ја фати за рака и не ја испушташе, иако таа беше во движење. Тој момент со неверојатна брзина се прошири на социјалните мрежи и обожавателите на парот повторно посакаа меѓу нив да има и нешто повеќе.
Но деновиве медиуми открија уште еден детаљ од тие моменти. Објавија дека Џенифер на црвениот тепих го носела вереничкиот прстен кој ѝ го подарил Бред во 2000 година.
Го купил за половина милион долари, а го дизајнирал самиот во соработка со Силвија Дамиани. Го правел според обетките, кои ѝ ги купил претходно, а од кои Џенифер била воодушевена.
Повеќе од 20 години подоцна, иако раскинаа пред многу време, Џенифер гордо позира со тој прстен на фотографиите, како што тоа го правеше и кога се венчаа.
Покрај доделувањето на САГ наградите, Џенифер и Бред се сретнаа и на доделувањето на Златниот глобус. Наградата за најдобар спореден актер во филмот „Once Upon a Time in Hollywood“ му припадна на Бред, а Џенифер го бодреше од публиката.
Камерите успејаа да ја уловат и кога го гледала и секако коментарите не изостанаа.
– Таа се топеше. Што и да кажеше тој, беше смешно за неа. Помеѓу нив сигурно има нешто, таа беше многу среќна за неговата награда – беше само еден од коментарите од бројните обожаватели на холивудскиот актер.
Нивната љубов траеше до 2005 година, кога Пит на снимањето на филмот „Господин и госпоѓа Смит“ ја запозна Анџелина Џоли и започна врска со неа. Наводно се откриени детали за тоа како Џоли на сетот го заведувала тогаш најпривлечниот маж на светот.
Џенифер Анистон призна дека била премногу бесна по разделбата со поранешниот сопруг откако видела фотографии од одмор, на кој Бред отишол со жената поради која на крај и ја остави, Анџелина Џоли.
Џенифер Анистон искрено за неверството на Бред Пит: Бев во шок!