Во писмото упатено до премиерот, пратеници од левото крило на владејачката Република во Марш (ЛРЕМ) потсетуваат дека „вонредната состојба не може да стане правило” и тие бараат да се укине вонредната состојба, што беше продолжена до 1 јуни, јави дописникот на МИА.

„Сметаме дека вонредната состојба не може да стане правило, освен со нарушување на нашите институции и поткопување на правилното функционирање на нашиот демократски живот…Затоа е наша одговорност да ве предупредиме на она што ни се чини дека претставува вистинска опасност за нашата демократија: преседаните, дури и легитимните, создаваат навики”, предупредуваат тие.

Според нив, во општеството постои „растечки замор од ургентноста што веќе не е ургентна”.

Пратениците сакаат „да се комбинира со цврсти заштитни мерки во однос на заштитата на основните слободи, обезбедувајќи, на пример, можност за ограничено продолжување, па дури и автоматски датум на прекин”