Под слоганот „Паркинзи на општина Центар (ПОЦ)- онлајн- сите услуги со еден клик“ денеска беше промовирана нова услуга која претпријатието им ја нуди на корисниците, со цел олеснет пристап до услугите на паркиралиштата.

Новата веб страна ќе им овозможи на возачите да ги извршат своите услуги, како и да дадат поплаки и пофалби преку електронски пат и преку свој личен профил. Веб страната ќе биде достапна за корисниците 24 часа, 7 дена во неделата, каде возачите ќе можат да комуницираат и со вработените на претпријатието за секакви услуги.

Градоначалникот на општина Центар Сашо Богдановиќ, истакна дека со дигитализација на услугите, претпријатието се доближува до новото време, и нагласи дека 60 проценти од граѓаните позитивно ја оцениле работата на ЈП „Паркинзи на општина Центар“.

Корисниците на услугите ќе можат да ја олеснат постапката на плакање, продолжување или склучување нови договори, преку регистрирање на свој профил .Воедно ќе се воведе и ДПК (дневна паркинг карта). Покрај тоа корисниците ќе добиваат и неделни известувања за новостите и активностите на претпријатието.