Дејвис со тројка во последната секунда за втор триумф на Лејкерси! (ВИДЕО)
Во вториот натпревар од финалето во Западната конференција во НБА лигата екипата на Лос Анџелес Лејкерс со 105:103 триумфираше над Денвер Нагетс за зголемување на 2:0 во серијата.
Денвер имаше негатива од 16 разлика во третата четвртина, а потоа на „крилјата“ на Никола Јокиќ успеа да се врати, дури и да дојде до предност во последните моменти од мечот.
Но, со тројка во последната секунда Ентони Дејвис им донесе триумф на „езерџиите“.
Токму Дејвис беше прв стрелец во победничките редови со 31 поен (девет скока), а Леброн Џејмс додаде 26 поени (11 скока).
На спротивната страна српскиот интернационалец Јокиќ запиша 30 поени (шест скока, девет асистенции), додека Мареј имаше 25 поени (шест скока).