Дејвис куп тениската репрезентација на Македонија ги загуби двата сингл меча на првиот ден од дуелот со Кипар во Никозија и противникот поведе со 2:0.

Во првиот меч Амар Хусеиновиќ беше поразен од Мелиос Ефстатиу со 2:0 во сетови (6:2 и 6:0).

Убедлив пораз доживеа и Стефан Мицов од Фотос Фотиадес со 2:0 во сетови (6:3 и 6:0).

Во првиот сет Мицов прв дојде до брејк и водство од 2:1 во гемови, но потоа следуваше пресврт и противникот поведе со 5:2, а сетот заврши со 6:3. Во вториот сет ривалот беше убедлив и сетот го доби без загубен гем.

В недела прво ќе се игра мечот во конкуренција на двојки, а потоа двата сингл меча. Почетокот на првиот меч е од 10.00 часот.