Семејството на Новак Ѓоковиќ го продолжи своето ново животно поглавје во Атина, каде што Стефан и Тара го продолжија своето образование. Додека татко им победува на турнири и смислува нови проекти, тие мора да ги загреат столчињата и да се посветат на учењето. Тие ги имаат сите привилегии што ги нудат модерните приватни институции и за многумина, овој систем е незамислив.

Новото училиште на децата на Новак и Јелена Ѓоковиќ се вика „Сент Лоренс колеџ“ и во прашање е приватна меѓународна британска установа во Атина, која нуди образование од предучилишна возраст до средно училиште. Основано е во 1980 година и се наоѓа во мирниот дел од Коропи. Бидејќи се смета за една од најпрестижните образовни установи во Грција, не е изненадувачки што српскиот тенисер го избрал токму тоа место каде што неговите наследници ќе го продолжат своето образование, кое го започнаа во едно приватно училиште во Белград.

Затоа ниту Стефан ниту Тара Ѓоковиќ нема да имаат проблеми да се навикнат на новата средина и новиот систем, но Новак и неговата сопруга Јелена ќе мора да потрошат значителен износ пари на годишно ниво.

Училиштето го следи британскиот образовен систем, од предучилишна возраст па сè до испити на ниво А, што отвора врати кон универзитети низ целиот свет. Учениците се стекнуваат со квалификации од Кембриџ и Едексел, а училиштето е член на COBIS (Council of British International Schools – Совет на британски меѓународни училишта) и редовно се подложува на инспекции.

Инаку, неодамна имавме можност да видиме и како изгледа вилата каде што живее Ѓоковиќ во Атина со своето семејство, а сето тоа остава без здив.

Училиштето не е помалку импозантно, па кампусот се простира на околу 2.000 квадратни метри и нуди содржини на кои не сме навикнати во класичните училишта: затворен олимписки базен, модерна спортска сала, фудбалско игралиште, тениски и кошаркарски терени, затворена спортска сала, амфитеатар со капацитет од околу 400 седишта, пространи паркинг простори и изложбен центар.

Објектите се на приземје и отпорни на земјотреси, што обезбедува дополнителна безбедност за учениците. Училиштето има тим за поддршка на ученици со посебни образовни потреби. Исто така, обезбедува автобуски превоз за учениците, оброци во мензата, како и можност за избор на оброци во согласност со посебната исхрана.

Како и повеќето меѓународни училишта, и ова што го посетуваат Стефан и Тара има висока цена. При запишувањето, родителите плаќаат еднократна такса од 2.500 евра ( регистрација и развоен фонд), а годишната школарина зависи од одделението: од 8.922 евра во градинка, до речиси 14.500 евра во повисоките одделенија.

Покрај тоа, постојат дополнителни опции – автобуски превоз (440 евра годишно), музичка програма (1.400 евра) или летно училиште (1.500 евра) – што ги зголемува вкупните трошоци. Така, на пример, родителите на децата од основно училиште во првата година издвојуваат околу 15.000 евра.

Сепак, на родителите кои мора да издвојат оваа сума училиштето им возвраќа со квалитетна програма и воннаставни активности за децата, а подоцна им отвора врата кон речиси целиот свет кога станува збор за академско образование.

ФОТО | Јелена Ѓоковиќ денеска полни 39 години: Роденденската торта оваа година има посебно значење за неа

ФОТО: Јелена Ѓоковиќ со прекрасна фотографија на Инстаграм – Деца, овде мама и тато се венчаа…