И натаму не се знае дали и кога би продолжила сезоната во најсилното италијанско првенство, иако се калкулира со датумите 27 мај и 3 јуни.

Некои клубови се залагаат за предвремено завршување на сезоната и насочување на подготовките за новата натпреварувачка сезона.

Но, поголем број на клубови сакаат сезоната да заврши, да се добие шампионот и така се дознаат сите учесниците на меѓународната сцена.

Луиџи Де Сиерво, претседателот на организациското тело на професионални фудбалски натпреварувања во Италија, предупреди што би можело да им се случи на италијанските клубови доколку сезоната 2019/2020 не заврши:

– Доколку не играме, странските клубови ќе  го „ограбат“ нашиот фудбал, ќе ги украдат нашите шампиони и тоа по намалени цени. На играчите кои би останале ќе им бидат намалени платите, ќе се вклучи „црвениот аларм“ во клубовите, а воедно и најголемите таленти ќе емигрираат и ја напуштат нашата држава – рече Де Сиерво за „Ла Република“.

Бројни холандски клубови беа незадоволни од одлуката предвремено да заврши сезоната во Холандија и најавуваат тужби.