Американската актерка Дакота Џонсон ќе ја има толкува главната улога во адаптацијата на „Netflix“ за книгата „Persuasion“ од култната Џејн Остин, пишува „Variety“.

Филмот ќе се снима под режисерската палка на Кери Кракнел и тоа ќе биде нејзино долгометражно режисерско деби, а сценариото за филмот го адаптираа Рон Бас и Алис Викторија Винслоу.

Во книгата се раскажува за 27-годишната Ен Елиот, тврдоглава жена која живее на работ на банкрот со членовите на нејзиното семејство. Приказната ја следи нејзината романтична врска со морнарскиот офицер Фредерик Венворт со кого беше среќно свршена додека пријателот на Лејди Расел не ја убеди дека тој е „недостоен“ за нејзината љубов. По осум години Фредерик се враќа како богат капетан на морнарицата и Ен добива втора шанса за љубов.

„Persuasion“ е последната книга објавена од познатата писателка пред нејзината смрт во 1817 година. Во 2007 година се појави филмската адаптација на истоимената книга во која главниот лик го играше британската актерка Сали Хокинс.

Снимањето на новата филмска адаптација се очекува да започне во мај.