Фондацијата „Радувај“ заедно со Советот на родители од ОУ „Војдан Чернодрински“ од Скопје, денеска со почеток во 18 часот, на плочникот кај „Млечен“ организираат Хуманитарен училишен базар.

Како специјални гости на настанот се најавени Драган Спасов – Дац и Александар Митевски и членовите на детскиот фестивал „Поточиња“.

Целта на хуманитарниот настан е да се соберат средства за набавка на лаптопи, компјутери за информатичко општество и смарт табли за потребите на ОУ „Војдан Чернодрински“.

Програмата ќе започне во 18 часот со обраќање на претставник од Советот на родители при основното училиште, по што свој настап ќе имаат учениците. Во 19 часот ќе настапат дечињата од фестивалот „Поточиња“, а забавата ќе ја заокружи познатото музичко дуо Алексндар и Дац, со своите добро познати хитови.

Средствата ќе се собираат на самиот настан, преку уплати на донаторска сметка и донаторски броеви.