ЦСКА Москва е вториот финалист во кошаркарската Евролига откако во полуфиналето успеаја да надоолнат негатива од 14 поени, го совладаа актуелниот шампион Реал Мадрид со 95:90 и в недела (20.30 ч.) ќе играат против Ефес за титулата.

Триумфот над сè уште актуелниот шампион воедно претставуваше одмазда за поразот од минатата сезона во полуфиналето на фајнал фор турнирот.

Рускиот тим во последните 17 сезони на Евролигата, дури 16. пати играа на завршниот фајнал фор турнир, но само три пати ја освоија титулата, но сезонава триумфираа во сите три пресметки со Реал Мадрид.

Кошаркарите на ЦСКА Москва со трпелива игра успеаја да ја надополнат негативата од дури 14 поени во третата четвртина и во финишот од натпреварот благодарение на Нандо де Коло успеаја да направат целосен пресврт и да дојдат до победата.

Токму Де Коло и Серхио Родригез со по  23 постигнати поени беа најдобри во рускиот тим, додека кај Реал Мадрид, Фабијан Козер даде 18 поени, а Серхио Љуљ уфрли 13 поени.
Финалето помеѓу ЦСКА Москва и Анадолу Ефес се игра в недела од 20.30 часот, додека во борбата за третото место се среќаваат Реал Мадрид и Фенербахче.