Чурлинов повторно со мала минутажа во Бундеслигата
Денеска се одиграа пет натпревари од 24 коло во најсилното германско првенство, Штутгарт на нашиот Дарко Чурлинов ремизираше на гостувањето кај Ајнтрахт Франкфурт со резултат 1:1.
Македонскиот репрезентативец Чурлинов после опоравувањето од повредата на носот се врати на терените во Бундеслигата.
Во 68 минута поведе Штутгарт со голот на Калајџик, но радоста на гостите траеше само една минута бидејќи домаќините брзо израмнија преку Костиќ во наредниот напад.
Чурлинов настапи од 87 минута како замена за Соса, за нашиот играч ова е вкупно шести настап.
На табелата Ајнтрахт е на четвртата позиција со 43 бодови, а 10 помалку има Штутгарт на деветтото место. Во другите мечеви: Борусија Менхенгладбах-Баер Леверкузен 0:1, Фрајбург-Лајпциг 0:3, Херта Берлин-Аугсбург 2:1 и Хофенхајм-Волфсбург 2:1.