Чулев: Вработените во МВР ќе добијат 15.000 денари за придонесот во справувањето со пандемијата
Министерот за внатрешни работи Наќе Чулев, преку својот Фејсбук профил, информираше дека вработените во МВР, ќе добијат награда од 15.000 денари, поради нивниот придонес во справувањето со пандемијата со Ковид-19.
„Благодарност за вработените во Министерството за внатрешни работи кои даваат исклучително голем придонес во справување со пандемијата од КОВИД-19!
Денес потпишав и до Владата ќе доставам уредба со која се предвидува награда од 15.000 денари линеарно и еднократно за секој од нив.
Уредбата ги опфаќа сите полициски службеници, вработените во управните служби и останатиот административен персонал во Министерството за внатрешни работи кои целиот овој период неуморно и пожртвувано даваат се од себе во првите редови во справувањето со коронавирусот.
Немам никаква дилема дека тие со својот труд и ангажман го заслужуваат ова и очекувам Владата на првата наредна седница да ја усвои оваа уредба. Здравјето и животот на вработените се наш исклучителен приоритет и цврсто сме посветени на процесот на вреднување на нивниот придонес во остварување на целите на Министерството за внатрешни работи“, напиша Чулев на Фејсбук.
https://www.facebook.com/NakjeChulev/photos/a.112821600244643/160222598837876/?type=3&theater