„Чистка“ во италијанскиот фудбал: После Јувентус, и Наполи би можел да биде казнет?!
Обвинителот на Фудбалската федерација на Италија, Џузепе Кине, подготвил налог за собирање документи од Наполи во врска со трансферот на Виктор Осимен од Лил, соиграчот на македонскиот репрезентативец Елиф Елмас.
Во 2020 година Нигериецот се пресели во Неапол за 75.000.000 евра и во меѓувреме стана еден од најдобрите напаѓачи во Италија и Европа.
Осимен е еден од најзаслужните што „наполитанците“ по долго време имаат шанса да ја освојат титулата во Серија А. Сезонава до сега во шампионатот има 13 голови од 15 настапи.
Во трансферот кој го реализираше во годината обележана со пандемијата на ковид-19, потенцијално има одредени неправилности, пренесува „Калчомеркато“.
Обвинителот на Џузепе Кине, кој учествуваше во казната што ја доби Јувентус, подготвен е детално да го истражи трансферот на нигерискиот напаѓач. Се верува дека финансиската сметка е лажна, а доколку се покаже дека е вистина, Наполи би можел да се соочи со сериозни последици.