„Чекориме за правда“: Народот е желен за правда – на ред е ЕУ
Маршот „Чекориме за правда“ помина во мирна атмосфера, со над 10.000 луѓе кои излегоа на улиците. Целта на Маршот беше Македонија конечно да стави крај на судските процеси кои се водени од СЈО, а сега преземени од Обвинителството за организиран криминал и корупција.
Во Утрински брифинг на „Слободен печат“ атмосферата од маршот ја пренесе новинарот Војо Мојсовски, според кого Маршот симболично именуван како „Чекориме за правда“, поминал во т.н академска атмосфера, мирно и достоинствено и тоа ја прави разликата помеѓу протест и марш.
Инаку на Маршот учество земаа челниците на владејачката СДСМ, како лидерот на партијата Зоран Заев, првиот човек на невладината Цивил Џабир Дерала, како и други општествени фигури – заедничка порака на сите е – народот е желен за правда и дека на ред е Европската Унија.