Чехинката го покори Париз: Крејчикова е новата „кралица“ на Ролан Гарос!
Чешката тенисерка Барбора Крејчикова и Русинката Анастасија Пављученкова се сретнаа во денешното финале во женска конкуренција на „Ролан Гарос“, а после голема борба славеше Крејчикова со резултат 2:1 во сетови 6:1, 2:6 и 6:4.
За моментно 33 тенисерка во светот ова е прва грен слем титула во кариерата, а до истата дојде за скоро два часа игра. На стартот од мечот Пављученкова веднаш направи „брејк“ и дојде до водство од 1:0, но потоа следуваше доминација на Крејчикова.
Чехинката успеа трипати да дојде до „брејк“, ги освои своите три сервис гема со шест врзани освоени гемови стекна позитива од 1:0 во сетови. Руската натпреварувачка скоро со иста мера возврати и освојувае вториот сет со 6:2, но имаше и проблеми со повреда по што побара и медицински тајм-аут.
Во третиот сет Крејчикова прва дојде до „брејк“, но веднаш возврати Пављученкова. Новиот „брејк“ Крејчикова го направи при резултат 3:3, што беше и клучен „брејк“ во мечот. Истиот го одржа и дојде до победата.
В недела од 15.00 часот ќе стартува и машкото финале помеѓу Новак Ѓоковиќ (Србија) и Стефанос Циципас (Грција).
Тенискиот свет во шок после мечот Ѓоковиќ-Надал: Дали го играме истиот спорт?