Бускетс донесе одлука: Нема повеќе да игра за Шпанија
Репрезентацијата на Шпанија Светското првенство во Катар го заврши со поразот од Мароко во осминафиналето, а натпреварот против Мароканците се покажа како последен за Серхио Бускетс.
Искусниот 34-годишен фудбалер преку социјалните мрежи објави дека се повлекува од националниот дрес.
„Би сакал да им се заблагодарам на сите луѓе кои ме придружуваа на овој долг пат. Од Висенте Дел Боске кој прв ми даде шанса, до Луис Енрике со кого уживав до последната секунда. Им благодарам на Хулијен Лоптеги, Фернандо Јеро и Роберто Морено за довербата. Исто така и на секого со од моите соиграчи, се борев тимот да биде онаму каде што заслужува“.
„Ми беше чест да ја претставувам мојата земја и заедно да бидеме светски и европски шампиони. Одиграв многу натпревари, некогаш со поголем, некогаш со помал успех, но секогаш давав се од себе“, стои во објавата на Бускетс.
Бускетс дресот на репрезентацијата на Шпанија го носеше 15 години и одигра 143 натпревари.
View this post on Instagram