По овие фотографии, сите се прашуваат – Дали новата девојка на Бред Пит се врати кај сопругот?
Иако се чинеше дека ништо не може да стави крај на новата љубовна врска помеѓу Бред Пит и 27-годишната германска манекенка Никол Потуралски, со која холивудскиот заводник помина интензивно време во Европа, се појавија фотографии кои фрлија сомнеж дека убавата Германка се вратила кај својот 41 година постар сопруг Роланд Мери, во чиј ресторан Пит и убавицата за прв пат се сретнаа.
Тие заедно се забавуваа во Берлин и патуваа низ Франција, дури Бред ја однесе и во замокот каде тој се заколна на вечна љубов кон неговата поранешна сопруга Анџелина Џоли. Многумина сега се прашуваат дали ова е крајот на врската помеѓу Бред Пит и моделот Никол Потуралски?
За крајот на љубовната врска помеѓу холивудскиот актер и 27-годишната Германка говорат нови фотографии кои кружат на Интернет. Дејли мејл објави папарацо фотографии кои можат да бидат доказ дека 27-годишната убавица му се вратила на својот 68-годишен сопруг Роланд Мери, сопственик на познат германскиот ресторан.
Само еден месец по романтичниот престој во Франција со Бред, манекенката беше фотографирана на интимна вечера во друштво на нејзиниот сопруг и неколку пријатели, а судејќи според фотографиите што се појавија во јавноста, убавицата одлично се забавуваше.
Потуралски, која има седумгодишен син со Мери, уживаше во друштвото на нејзиниот сопруг во неговиот ресторан „Борхард“, а откако го напушти ресторанот, му даде романтичен знак на вниманието на нејзиниот сопруг, покажувајќи му форма на срце со рацете.
Нивниот отворен концепт за брак и фактот дека се гледаат со други луѓе збунија многумина, но таквата врска очигледно им одговара. Мери не е љубоморен на нејзините состаноци со други мажи, па затоа не му пречеше кога Никол се гледаше со 56-годишниот Бред.
Токму во неговиот ресторан во Берлин, убавата Германка, која ја споредуваат со Анџелина Џоли и Ирина Шајк, се сретна со Бред Пит, со кого интензивно се гледаше последните месеци.
Бидејќи Никол и Роланд не заминаа заедно дома по вечерата, останува нејасно дали парот и покрај сè останале само добри пријатели и сопружници или пак ја обновиле својата љубов. Се поставува прашањето и дали манекенката ја завршила врската со Бред или нивната љубов сè уште цвета.