18-годишната тиктокерка Ноа Миливојев од Ковиље, Србија која исчезна на 17 јуни, е пронајдена мртва во стан во центарот на Белград.

Како што пишуваат српските медиуми, осомничен за убиството е О.Д. Тој влегол во вербален конфликт со девојката, по што ја убил Ноа, а потоа го исекол телото, го спакувал во пластични кутии и го оставил во бањата од станот, каде што било пронајдено.

Тој признал дека извршил убиство на трансродово лице, кое го искасапил до непрепознатливост.

Полицијата го извадила осомничениот од зградата со јакна преку глава.

Осомничениот и претходно бил сослушан во полиција за исчезнувањето на Ноа, а соседите велат дека тој често носел и други девојки во станот.

Ноа Миливојев од Ковиље последен пат ги контактирала своите родители во саботата на 17 јуни, кога наводно заминала кај своето момче во Белград.

Мотивот за убиството најверојатно е љубомора.