Борачите на Балканец со 19 медали на меѓународниот турнир „8 септември“
На меѓународниот турнир во борење „8 септември“ кој се одржа во Скопје, БК Вардар како технички организатор, учествуваше и боречкиот клуб Балканец од Штип.
БК Балканец успеа на овој настан да освои вкупно 19 медали, од кои осум златни, четири сребрени и седум бронзени медали.
Со злато се закитија Никола Гицев, Марко Ананиев, Зоран Шоров, Христијан Тасевски, Андреј Трајчов, Викторија Ѓурова, Марија Цветанова и Анабела Данилова.
„Сребрени“ беа Јован Атанасов, Стојанче Стојков, Јован Балабанов и Христијан Коцев, а „бронзени“ Андреј Мишев, Лука Ананиев, Бојан Ѓуров, Јован Стефанов, Филип Коцев, Дамјан Смилков и Давид Миленковски.
Освен од нашата земја, на овој турнир имаше и натпреварувачи од Србија, Косово и Босна и Херцеговина.