По добиените информации од Основното јавно обвинителство за гонење на организиран криминал и корупција дека шефот на обвинителството, јавниот обвинител Ислам Абази, постапувајќи по барањето на Бојан Јовановски со прекар Боки 13 веќе оформил предмет и го распределил кај надлежен јавен обвинител на постапување, Ве информираме дека со ова започнува кривично-правна операција со кодно име „Бумеранг“, се вели во соопштението на правниот тим на Бијан Јовановски.

„Ја поздравуваме итноста и ажурноста при постапувањето од страна на јавниот обвинител Ислам Абази и очекуваме пред се темелна, ефикасна и непристрасна разрешница од страна на надлежниот обвинител кој ќе постапува по предметот. Поради високиот степен на карактерот и сериозноста на процесот „Бумеранг” бараме и очекуваме посветеност, неселективност и максимална професионалност од страна на надлежниот обвинител.Напоменуваме дека поради обемноста на материјалот и доказите во бројка од 1.150.000 (еден милион и сто и педесет) фајлови со податоци во кои се содржани аудио снимени разговори, транскрипти, пораки, остварени телефонски комуникации, видео и фотографски записи, т.н. “бомби” , заради целисходност при постапување по предметот ќе биде потребно формирање на посебен тим за работа и процесуирање на кривичните пријави во согласност со реалните потреби за ефикасно и правилнло постапување по предметот, за кое нешто ќе истакнеме посебно барање до јавниот обвинител“ се вели во писмото.

Јовановски вели дека ќе ги поднесе пријавите и ќе ги предаде овие докази на записник само со утврдени законски гаранции дека ќе се заштити неговиот физички и психички интегритет. Тоа, нагласуваат од неговиот тим, ќе го направи исклучило во присуство на неговите двајца адвокати, Владимир Туфегџиќ и Сашко Дукоски, и единствено во сигурносно обезбедени простории во ОЈО ГОКК, со визуелно-тонски запис од чинот на сослушување и предавање на доказите.

Абази ги пренасочи „бомбите“ на Боки 13 кај друг обвинител