Еден од најдобите кик-боксери и воопшто спортисти во Македонија, Бобан Илиоски објави крај на кариерата и тоа по победа за Македоннија на Светското првенство.

Илиоски денеска се повреди во рингот, но и покрај тоа победи против противникот од Хрватска и обезбеди бронзен медал за Македонија, сепак таа борба е и негова последна во кариерата.

Повлекувањето од кариерата како борец, Илиоски го потврди пеку социјалните мрежи, а во иднина ќе се посвети на работата како тренер во неговиот клуб.

„Денеска ја имав мојата прва борба на Светското првенство. Уште во првата рунда повторно ми се скина препоната истата повреда која првпат ја доживеав пред 6 месеци. И покрај тоа успеав да извојувам победа против Хрватска. Благодарен сум на Господ за сѐ, нека биде по Божјата волја.

 

Со ова за мене завршува Светското првенство, а и мојата кариера како борец. Тешко е да се прифати, но нема бегaње од реалноста. Одлуката ја носам во мир, време е да се посветам на тренерската работа и да вложам сѐ во мојот клуб, за да создадам нови шампиони. Ова не е крај ова е нов почеток“, објави Илиоски.

Преземено од: Спорт.ком.мк