Кик-боксерот Бобан Илиоски и светската шампионка во бодибилдинг Мери Акиевска се прогласени за најдобри спортисти на Македонија за 2023 година.

На свечената церемонија на 69 издание во изборот на најдобар спортист на годината на Македонија статуетките им беа доделени на кик-боксерот Илиоски кој оваа година донесе злато од Светското првенство, а Акиевска е веќе трикратна светска шампионка во бодибилдинг.

Каратистот Витомир Трајковски е прогласен за најдобар млад спортист, а таеквондистката Милијана Рељиќ за најдобара млада спортистка.

Најуспешен женски национален тим е сениорската селекција на Македонија, а во машка конкуренција признанието го доби одбојкарската сениорска репрезентација.

Дејан Митровски (кик-бокс и маи таи) е најуспешен тренер-селектор, додека за најуспешна национална спортска федерација е избрана Одбојкарската федерација на Македонија која беше кодомаќин на Европското првенство. За најуспешен спортист со инвалидитет е избран пливачот Андреј Стојановски.