Германската канцеларка Ангела Меркел вчера беше во последен обид да го убеди францускиот претседател Емануел Макрон да дозволи старт на преговори за влез во Еврипската Унија. Но, остана нејасно дали Меркел и Макрон на работната вечера разговарале и за датумот за преговори за Македонија.

Амбасадорите на ЕУ денеска ќе се потрудат да посредуваат за компромис пред утрешниот состанок на министрите.

Во среда, пак, Франција и Германија ќе имаат меѓувладина седница во Тулуз.

Франција засега во јавноста не го открива ставот. Докуменетите до кои дошол „Блумберг“ велат дека Париз е против било каков датум за формални преговори со Македонија и Албанија, пред ЕУ да го заврши ремонтот на својата „методологија“. Со меморандумот што на 10 октомври го проследиле француски дипломати до другите влади на ЕУ, Париз сака понатамошните разговори да бидат „постепени, поконкретни во придобивките што им ги носат на засегнатите земји и да бидат реверзибилни според ефективното, опипливо и одржливо спроведување на реформите“.

Најновиот нацрт на одлуката, пак, со датум на 11 октомври, кој „Блумберг“ го видел, дава зелено светло официјалните преговори за пристапување да почнат во првата половина на следната година, но според дипломат цитиран од „Блумберг“, „никој не е среќен“ со текстот.