Голем дел од работничките права на новинарите и медиумските работници во Македонија не се почитуваат. Некои од проблемите со кои се соочуваат новинарите се неисплаќање дневници за работа во недела или на празник, неисплаќање дополнителни работни часови, неисплаќање регрес, како и скратен годишен одмор. Да биде иронијата поголема, наместо бенефициран стаж, многу новинари воопшто немаат регулиран стаж, односно работат без да им бидат платени придонеси.

Новоизбраниот претседател на Самостојниот синдикат на новинари и медиумски работници, Павле Беловски, истакна дека статусот на новинарот и на медиумскиот работник во Македонија е на незавидно ниво.

– На новинарите треба да им се гарантира сигурно работно место, со цел да се реши нивната егзистенција на подолг временски рок. На тој начин ќе се ослободат од стегите на стресот, притисокот и тензијата за неизвесна иднина. Кога зборуваме за бенефициран стаж, мене ме плаши тоа што колегите сакаат да си заминат од оваа професија што е можно побрзо, а тоа е така бидејќи не се чувствуваат безбедно. За борбата на правата на новинарите и на медиумските работници сум подготвен да излезам со шатор среде улица, бидејќи е редно време со закон да се заштитат новинарите од физички напади“, потенцираше Беловски.

Целиот разговор со Павле Беловски можете да го проследите на следното видео: