Пратеник во Италија повторно го промовираше својот предлог – познатата антифашистичка песна „Бела чао“ во Парламентот да се признае како официјална химна на Денот на националното ослободување.

„Бела чао“ е песна за слобода и благодарност до оние кои се бореа жртвувајќи ги своите животи за враќање на слободата и демократијата на италијанскиот народ под наци-фашистичката тиранија“, напиша Стефано Вакари на социјалната мрежа.

На крајот на 2022 година, Вакари поднесе предлог-закон со кој бара парламентот да ја признае таа песна како „национален израз на вредностите“ на Републиката и да се свири секој 25 април, денот кога Италија беше ослободена од нацизмот во 1945 година.

Пред два дена, Андреа Крипа, висок член на екстремно десничарската Лига, ја осуди песната и тврдеше дека „комунизмот доведе до милиони смртни случаи“, што предизвика негодување од опозицијата.

„Можеме со сигурност да потврдиме дека „Бела чао“ не е израз на една политичка тенденција, туку дека, напротив, сите демократски сили можат да се препознаат во универзалните идеали инспирирани од таа песна“, напиша Вакари презентирајќи го својот предлог-закон.