Денеска во рамките од 30. коло во најсилното германско фудбалско првенство екипата на Баерн Минхен запиша уште една победа.

Баварскиот гигант на гостувањето кај Баер Леверкузен триумфираше со 2:4 и на четири кола до крајот на сезоната е многу блиску до одбрана на шампионската титула.

Прв во водство беше Баер со голот на Аларио, но играчите на Флик направија пресврт, по еднаш во листата на стрелците се запишаа Коман, Горецка, Гнабри и Левандовски. Домаќините само го убалжија поразот преку Вирц во 89 минута од средбата.

11 victories in a row. 
23 wins in his first 26 games in charge.
43 out of a possible 45 points.

Hansi Flick is doing an outstanding job as Bayern Munich manager. 

One step closer to the title. #B04FCB #FCBayern pic.twitter.com/fqUr8DzYaB

— bet365 (@bet365) June 6, 2020

Тренерот Ханси Флик одлично го води Баерн, со одлична статистика од 11 победи по ред, 23 победи во неговите први 26 мечеви на клупата и 43 освоени од можни 45 бодови.

На останатите три дуели од саботната програма во Бундеслигата: Дизелдорф-Хофенхајм 2:2, Ајнтрахт Франкфурт-Мајнц 0:2 и Лајпциг-Падерборн 1:1.

На табелата води Баерн со 70 бодови, 10 повеќе од второпласираната Борусија Дортмунд, па доколку „милионерите“ бидат поразени на вечерашниот меч (18.30 часот) од Херта Берлин, на Баерн ќе му биде потребна само уште една победа за обезбедување на првото место.