И во третиот натпревар од финалето во најдобрата македонска женска кошаркарска лига, екипата од Македонска Каменица беше подобра од онаа од Крива Паланка, сега како гостин (67:49) за конечни 3:0 во серијата.

Екипата на Баскет кам е нов-стар шампион на Македонија во женска сениорска конкуренција.

Ивана Кметовска беше најефикасна во победничките редови со 28 реализирани поени. Димова ја следеше со 16, додека капитенот Поп-Димитровска имаше 10 поени.

Кај Крива Паланка, Робинсон запиша 23 поени, но изостана поддршката од колешките, па оваа сезона за овој тим завршува со сребрените медали – наменети за финалистот на плеј-офот.

За најкорисен играч на финалето (МВП) беше прогласена кошаркарката на Баскет Кам Ивана Кметовска.

Македонската репрезентативка одигра на врвно ниво на сите три одиграни натпревари во финалето на плеј-офот.