Денеска во 29 коло од најсилното турско првенство фудбалерите на Коњаспор на домашен терен убедливо со 3:0 го совладаа тимот на Карагумрук.

По осмата победа сезонава, Коњаспор е на осмото место со 34 бодови и на пет кола до крајот и математички е блиску до обезбедување на опстанокот во елитата.

Во најновиот триумф придонесе и македонскиот репрезентативец Енис Барди кој во 21 минута му асистираше на Словенецот Блаж Крамер за водство од 1:0.

Во листата на стрелците кај домаќините се запишаа и Мулека во 28 минута и Гонсалвеш во самиот финиш од средбата (90+1`).

Барди настапи до 81 минута од натпреварот кога беше заменет од норвешкиот интернационалец Сандер Свендсен.