Баерн Минхен ја продолжува доминацијата во германската Бундес лига, откако денеска по седми пат едноподруго или 29. пат во клупската историја, ја освои титулата. Победата вредна шампионска титула, баварците ја остварија на „Алијанц Арената“ каде со 5:1 го совладаа Ајнтрахт Франкфурт и со вкупно 78 бодови, само два повеќе од Борусија Дортмунд.

Покрај Баерн Минхен и Борусија Дортмунд во ЛШ ќе играат и уште и екипите на Лајпциг и Баер Леверкузен. Хановер и Нирнберг се селат во втората Бундес лига, додека Штутгарт ќе игра за бараж за опстанок.

Кингсли Коман го доведе Баерн во водство уште во четвртата минута, а израмни Халер на почетокот на вториот дел. Сепак, Алаба во 53.минута повторно донесе предност за баварскиот тим, а до крајот погодија уште Ренато Санчез, Франк Рибери и Арјен Робен.

Натпреварот против Ајнтрахт беше последен во дресот на Баерн Минхен за тројца играчи кои ја одбележаа историјата на германскиот тим, Арјен Робен, Франк Рибери и Рафиња.