Авганистанскиот претседател Ашраф Гани, кој е во егзил во Обединетите Арапски Емиратиизјави дека го напуштил Кабул за да спречи крвопролевање и ги отфрли извештаите дека ја напуштил претседателската палата со голема сума пари.
Гани беше жестоко критикуван од поранешните министри за напуштање на земјата кога талибанските сили влегоа во Кабул во неделата.

„Да останев, ќе бев сведок и предизвикувач на крвопролевањето во Кабул“, рече Гани во видео порака објавена на Фејсбук, што е негов прв јавен коментар откако беше потврдено дека тој е пребефган во Обединетите Арапски Емирати.

Тој, исто така, рече дека ги поддржува преговорите меѓу Талибанците, кои ја презедоа власта во Кабул, и поранешните високи авганистански функционери, додавајќи дека „преговара за враќање во својата земја од која избега“, пренесе АФП.

„Ја поддржувам владината иницијатива за преговори со поранешниот потпретседател Абдула Абдула и поранешниот претседател Хамид Карзаи. Посакувам успех на овој процес “, рече тој во видео пораката.
Тој додаде дека владини претставници го советувале да си замине.

Министерството за надворешни работи на Обединетите Арапски Емирати потврди дека авганистанскиот претседател Ашраф Гани се наоѓа во оваа заливска земја.

Гани избега од Авганистан во неделата попладне кога Талибанците влегоа во Кабул, но досега никој не знаеше каде се наоѓа.

Авганистанскиот амбасадор во Таџикистан во средата го обвини Гани дека зел 169 милиони долари со себе. Тој го нарече бегството на Гани „предавство на татковината и народот“, пренесува Би -Би -Си.