На три улици во Лисиче во наредниот период ќе се гради атмосферска канализација. Советот на Општина Аеродром на вчерашната седница донесе одлука да се започне со реализација на капитален проект со кој ќе се реши деценискиот проблем со атмосферските води во населбата, односно беше изгласана одлука за примање донација за изготвување урбанистички проект за инфраструктура и идеен проект за атмосферска канализација на улиците Божин Николов, Ѓорѓи Капчев и Тодор Чангов.

Станува збор за многу значаен проект што ќе го реши проблемот на жителите од овој дел на Аеродром кои и при помал дожд стравуваат од поплави на нивните домови. Општина Аеродром останува посветена на решавање на сите прашања со кои се соочуваат аеродромци и на создавање најдобри услови за живот и работа на секој жител – информираа од Аеродром.