Протагонистката од документарниот македонски филм „Медена земја“ за читателите на „Слободен печат“ раскажува за своето детство, за раните почетоци кога почнала да се занимава со одгледување на пчелите.

-Уште од 12 години одгледувам пчели. Мајка ми кажуваше дека и мојот дедо одгледувал пчели, колку да имаат за јадење, татко ми пак, е алергичен на пчели- вели Атиџе за „Слободен печат“.

Пчелите уште од мај месец знаат дека ќе пристигне зимата и собираат мед за нив, многу се осетливи, вели Атиџе во прилогот подготвен за „Слободен печат“.

-Ако сакаш да купиш мед за лек, мора да биде природен. Пробав мед во Турција, но има разлика. Ние имаме многу билки и затоа е природен и лековит. Додека сум жива не ги оставам пчелите- вели Атиџе за „Слободен печат“.