САД и Израел привремено ги отстранија иранскиот министер за надворешни работи, Абас Аракчи, и претседателот на парламентот, Мохамед Бакер Калибаф, од нивните листи на лицата за ликвидирање, објавија американските медиуми.

„Волстрит журнал“, повикувајќи се на неименувани американски претставници, објави дека одлуката е донесена како дел од напорите за започнување мировни преговори меѓу Вашингтон и Техеран.

Изворите велат дека двајцата ирански претставници се отстранети од листата за неколку дена, бидејќи администрацијата на Трамп сигнализира отвореност за дипломатски разговори.

Сепак, официјални лица запознаени со ситуацијата проценуваат дека има мали шанси разговорите да успеат поради значителните разлики во преговарачките позиции на САД и Иран.