За осум месеци во 2025 година, националниот портал за е-услуги uslugi.gov.mk регистрира нови 30.000 корисници, објави министерот за дигитална трансформација Стефан Андоновски.

Според министерот, во август бројката на регистрирани корисници ја надмина 180.000, со вкупно 180.143 активни корисници на порталот. На платформата се достапни 201 електронска услуга, а месечно се поднесуваат просечно 7.978 барања за услуги.

Андоновски истакна дека порталот продолжува да се развива и да им овозможува на граѓаните брз и едноставен пристап до различни услуги на државата.