Тренерот на Манчестер јунајтед, Рубен Аморим, е прогласен за менаџер на месец октомври во Премиер-лигата – негово прво вакво признание откако точно пред една година го презеде клубот.

“Црвените ѓаволи“ одиграа одличен месец, со три последователни победи: 2:0 против Сандерленд, спектакуларни 2:1 над Ливерпул на „Енфилд“, и 4:2 против Брајтон, што тимот привремено го врати на самиот врв на табелата.

По приемот на наградата, Аморим изјави дека успехот го посветува на играчите:

„Ова признание не е мое, туку нивно. Тие се заслужни за добрите резултати. Целта ни е да продолжиме во ист ритам. Ако ја освоиме и следната, тоа ќе значи дека и понатаму победуваме – а тоа го сакаме“.

Португалецот е првиот тренер на Јунајтед што ја добил оваа награда по ноември 2023 година, кога признанието му припадна на Ерик тен Хаг.