Американски воен брод нелегално влегол во водите на Кина
„УСС Бенфолд влезе во водите на Парасел без дозвола на кинеската влада, сериозно нарушувајќи го кинескиот суверенитет и нарушувајќи ја стабилноста на Јужно Кинеско Море. Апелираме до Соединетите Држави веднаш да престанат со провокативни активности“, објави јужната команда на Народноослободителната армија на Кина.
Островите Парасел се наоѓаат во Јужно Кинеско Море.
Американската морнарица засега не го коментираше случајот.
Во писмената изјава во неделата, американскиот државен секретар Ентони Блинкен изјави дека слободата на навигацијата е од траен интерес за сите нации.
„Кога станува збор за поморските правила, никаде нема поголема закана отколку во Јужно Кинеско Море. Народна Република Кина продолжува да ги заплашува земјите од Јужна Азија, заканувајќи ѝ се на слободата на навигацијата во овој важен глобален премин“, рече Блинкен.