Американската полиција вчера пукаше и уби ученик пред средно училиште во Висконсин, откако прими пријава за вооружен напаѓач на училишна територија, изјави денеска државниот јавен обвинител Џош Каул.

Тој додаде дека локалните училишта биле блокирани неколку часа и оти се слушале истрели, поради што децата избегале.

Пред неговата изјава, полицијата соопшти дека напаѓачот бил „неутрализиран“ пред училишната зграда на гимназијата Маунт Хореб. Каул синоќа изјави дека никој друг не е повреден и оти истрагата е во тек.

– Овој инцидент се случи на отворено. Напаѓачот во овој случај не влегол во зградата, рече тој.

????? ??: A 14-year-old student was fatally shot by police outside Mount Horeb Middle School in Wisconsin on Wednesday morning after approaching the school with a long gun.

The incident, which sparked reports of an active shooter, led to a significant response from the… pic.twitter.com/o9M3kUFttu

— Liberacrat Media™️ (@Liberacrat_) May 3, 2024

Властите го опишаа ученикот како малолетно лице, но не ја наведоа неговата возраст, ниту пак посочија во кое училиште одел во округот Маунт Хореб.

Каул одби да одговори на неколку прашања за тоа што се случило откако полицијата реагирала, вклучително и дали ученикот пукал со оружје, каков тип на оружје имал и дали се обидел да влезе во училиштето.