Американецот со македонски пасош Итан Хап ја напушти Валенсија по спогодбеното раскинување на договорот со шпанскиот кошаркарски клуб. Хап има 29 години, висок е 208 сантиметри и игра на позициите центар и крило.

Хап во претходниот период беше надвор од терените долго време додека се опоравуваше од повреда на стапалото. Договорот првично требаше да трае до крајот на тековната сезона.

Хап пристигна во Валенсија во летото 2024 година, откако играше за Гран Канарија. Во октомври истата година, тој доживеа сериозна повреда на стапалото, што го ограничи на само 10 натпревари за шампионите на шпанскиот Суперкуп.

Претходно имаше еден настап во Евролигата – со Олимпијакос во 2019 година, веднаш по завршувањето на кариерата во НЦАА со Висконсин. Потоа играше во Италија и Германија, пред да се пресели во Шпанија во 2022 година и да потпише за Бреоган, а потоа и за Гран Канарија.

На репрезентативно ниво, играше за македонската национална селекција – запишувајќи два натпревари во квалификациите за последниот Евробаскет.

Валенсија е на седмото место на табелата во Евролигата со резултат од 8-5, додека тимот на Педро Мартинез е лидер во АЦБ лигата благодарение на учинокот од седум победи и еден пораз.