Америка и Енглеска биќе земља пролетерска!

До денес како што гледаме тоа се уште не се случило. Но се случило обратното. Не само Југославија, туку сите земји кои припаѓаа на соцреалистичкиот блок се претворија во реалкапиталистички држави со доминантна пазарна ориентација на економијата и западно-демократски вредносни системи.

Оваа парола не знам дали ја знае помладата генерација Македонци. Помал дел од се уште живите граѓани можеби биле и нејзини сведоци, но добар дел од цела генерација средовечници ја доживеале главно како ехо преку партизанските филмови во бивша Југославија. Но тоа беше доволно да ја сфатат утопијата на пропагандата на Комунистичката партија која ги уверувала граѓаните дека еден ден дури и најкапиталистичките земји на земјината топка ќе ја прифатат идејата за пролетаризација на општествено-политичкиот систем.

До денес како што гледаме тоа се уште не се случило. Но се случило обратното. Не само Југославија, туку сите земји кои припаѓаа на соцреалистичкиот блок се претворија во реалкапиталистички држави со доминантна пазарна ориентација на економијата и западно демократски вредносни системи. И тоа почнувајќи од земјите од централна Европа, некогаш членки на Варшавскиот воен сојуз, па преку Русија, и конечно до најкомунистичката и најзатворената Народна Република Кина.

Оттаму веројатно се неразбирливите изблици на една група граѓани во пара или мета јавноста, поддржана или недемантирана од страна на политичките партии, дека нам не ни треба ниту ЕУ ниту НАТО и дека тие форми на здружување на државите се пред умирање и дека кај да е ќе ги снема и ЕУ и НАТО. Овие неразумни крици потсетуваат на старата, но многу содржајна парола од времето на социјализмот: „Америка и Енглеска биќе земља пролетерска“.

Прочитајте и...  Честитка од Талат Џафери по повод Денот на сесловенските просветители Кирил и Методиј

Во меѓувреме, исполнети  условите за „влегување во сила на Протоколот за пристапување на Република Северна Македонија кон Северноатлантскиот договор, а Амбасадата на земјава во Вашингтон потврдила дека својот „инструмент за пристапување“ ќе бидат доставени денеска во Стејт департментот.

По ова се очекува да уследи и официјална церемонија на подигнување на знамето на земјава пред седиштето на НАТО во Брисел, додава американското специјализирано списание „Дефенс Њуз“.
Од друга страна лидерите на земјите-членки потврдија дека треба да ги почнеме преговорите со Унијата. Европската комисија ќе пристапи кон дефинирање на преговарачката рамка, а првата меѓувладина конференција ќе се случи во најскоро можно време.

Овој момент го чекавме скоро 20 години, сметано од осамостојувањето на земјава и од создавањето на нов општествено политички систем. Раскинавме со едноумието на стариот социјалистички систем, воведовме политички плурализам, западноевропска демократија и ги зацртавме стратешките цели на државата, а тоа беа членството во НАТО и во ЕУ. Велам НИЕ затоа што тоа беше политички консензус на сите партии во сите изминати парламенти, а НИЕ како граѓани кои сме им ја дале довербата на тие пратеници од тие партии ги поддржувавме тие цели со децении.

Прочитајте и...  Шефот на кинеската дипломатија изрази почит за здравствените работници во светот

И сега во јавниот дискурс се слушаат резерви во исправноста на овие стратешки определби кои доаѓаат од недефинирани субјекти, експерти, квази експерти и други поединци или групи па и маргинални политички партии и здруженија. Но користејќи ги медиумите и социјалните мрежи тие полека се наметнуваат како опинион мејкери кои се обидуваат да ја ревидираат оваа стратешка воља на мнозинството граѓани.

Одговорноста за ваквиот пробив на нови идеологии најмногу лежи во некои политички партии кои во изминатиов период на некој начин ја ослабнаа идејата за евроатланските интеграции како национален приоритет, вештачки заменувајќи ја со губењето на националниот идентитет.

Секако важно место за ваквото измешано чувство зазема и внатрешно политичката дисфункционалност која со децении создава недоверба во домашните институции, до партизација на општеството, песимизам во опстанокот на државата и до економска несигурност.
Затоа е време уште еднаш ЈАСНО И ГЛАСНО да се потенцираат стратешките приоритети на државата за да нема талкање во мракот кој им се создава на дел од граѓаните.

Прочитајте и...  Кинеска вакцина против Ковид-19 испитана врз луѓе е безбедна и ефикасна

Па сепак, големите глобални поместувања треба да им се доказ на нашите „изгубени души“ дека нема веќе прашања како во минатото дали си ЗА Русија или ЗА Америка. Светот на глобализацијата сите ги направи ЕДНО.

Денеска Трамп и Си Џипинг како и многу пати досега се договорија да соработуваат, иако ден пред тоа се скараа.

„Кина помина многу и разви силно познавање за вирусот“, објави Трамп на Твитер, додавајќи дека тие „тесно соработуваат заедно“.

Кинескиот претседател, пак, рече дека односите меѓу Кина и САД се многу важни и дека соработката е единствениот добар избор.

Кој е сега за Кина, а кој за САД.

Прочитај повеќе

Хан: Западен Балкан и припаѓа на Европа

МИА Агенција

Првпат ниту еден новозаразен од Ковид-19 во Косово

МИА Агенција

Повторно раст на новозаболени од Ковид-19

МИА Агенција

Полициски час и денеска во државава

МИА Агенција

Сончево со мала облачност, попладне дожд

МИА Агенција

Кој е посилен од државата?

Остави Коментар

Прочитај повеќе

Манчевски: Ако нема избори на 21 јуни, тогаш мора да се продолжи вонредната состојба

Слободен печат

Се слави во Чаир: Оро за време на полициски час? (ВИДЕО)

Слободен печат

Скоро пет и пол милиони лица заразени со Ковид-19

Слободен печат

Најмалку 107 лица заразени со коронавирус на миса во Франкфурт

Слободен печат

Драма во Сараево: Мечка се бори за својот живот, едно младенче е фатено, другото се уште се бара (ВИДЕО)

Слободен печат

„Човек обвинет за кривични дела не е наш премиер“ – Противниците на Нетанјаху се собраа пред неговата резиденција

Слободен печат