Алек Болдвин и неговата сопруга Хиларија ги збунија обожавателите: За шест месеци повторно станаа родители?
Актерот Алек Болдвин и неговата сопруга Хиларија повторно станаа родители. Веста ги изненади неговите обожавателите бидејќи парот пред половина година доби син.
62-годишниот Болдвин и неговата 37-годишна сопруга Хиларија го добија своето шесто заедничко дете, потврди извор за „People“.
View this post on Instagram
Двојката се пофали со среќната вест на социјалните мрежи.
„7“, напиша Хиларија во описот на фотографијата на која позира со децата. Бројот седум се однесува на бројот на деца што ги има со Алек, вклучувајќи ја и неговата ќерка 25-годишна Ирланд која ја доби со неговата поранешна сопруга, актерката Ким Бесингер.
„Мојот живот“, напиша актерот во неговата објава споделувајќи ја истата фотографија.
Веста ги изненади неговите обожаватели со оглед на тоа што парот пред само шест месеци го доби синот Едуард. Јавноста не беше запознаена дека парот очекува друго дете. Полот на бебето се уште не е познат, како и дали детето е посвоено или родено од сурогат мајка.
Во секој случај, семејството на Болдвин сега е побогато со уште еден член. Актерот неодамна се пошегува дека неговата сопруга е „колекционер на бебиња“.
„Им кажувам на луѓето дека мојата сопруга е колекционер. Некои собираат автомобили, некои собираат часовници или уметнички дела. Мојата собира собира бебиња. Едноставно обожава бебиња“, изјави тој во разговор со Елен Деџенерис.