Актерот Боб Оденкирк е во стабилна состојба по инцидентот за време на снимањето на „Better Call Saul“
Актерот Боб Оденкирк е во „стабилна состојба откако во вторникот доживеа инцидент поврзан со срцето“, соопшти неговиот менаџерски тим, пренесува „Би-Би-Си“.
58-годишниот актер, беше итно пренесен во болница откако му се слошило за време на снимањето на своето шоу „Better Call Saul“, во Ново Мексико.
Боб Оденкирк итно хоспитализиран: Колабирал за време на снимањето на серијата „Better Call Saul“
Синот на Оденкирк, Нејт, исто така на својот твитер-профил извести за состојбата на неговиот татко, велејќи: „Ќе биде добро“.
He's going to be okay.
— Nate Odenkirk (@birthdaynate) July 28, 2021
Актерот и неговото семејство изразија благодарност за поддршката што ја добиле и од медицинскиот персонал и од колегите.
„Тој и неговото семејство би сакале да искажат благодарност за неверојатните лекари и медицински сестри кои се грижат за него, како и неговата екипа и продуцентите кои останале покрај него“, додале од менаџерскиот тим.
„Семејството Оденкирк исто така се заблагодари на сите за изливот на добри желби и побара приватност во овој момент, додека Боб работи на неговото закрепнување“, се вели во соопштението до јавноста.