Академија Пандев е првиот фудбалски клуб во Македонија кој самостојно ги продаде ТВ-правата

Договорот е веќе потпишан и важи за домашните куп и првенстевни натпревари за наредните три сезони/Фото: facebook.com/fkakademijapandev/

Фудбалскиот клуб Академија Пандев одлично ја започна сезоната во Првата македонска лига, после шест кола моментно е лидер со 13 бодови.

На последниот лигашки меч играчите предводени од тренерот Александар Васоски триумфираа над екипата на Македонија ЃП.

Како што информираат од ФК Академија Пандев, тој е првиот фудбалски клуб во нашата држава кој самостојно ги продаде ТВ-правата на регионална телевизиска куќа.

– На наше огромно задоволство објавуваме дека oд наскоро домашните натпревари на ФК Академија Пандев ќе одат во живо на регионалниот спортски телевизиски канал „Sport Klub“.

ФК Академија Пандев е првиот фудбалски клуб во нашата држава кој самостојно ги продаде ТВ-правата на регионална телевизиска куќа. Договорот е веќе потпишан и важи за домашните куп и првенствени натпревари за наредните три сезони, почнувајќи од тековната 2021/22, 2022/23 и 2023/24 сезона! – информираат од ФК Академија Пандев.

Видео на денот