Ајде, Филипче, зарази се веќе еднаш!

Ве поздрави Младоженецот кој на 24 мај изјави дека „ковид-19 го победивме и од овој момент можам да го прогласам за мртов, еднаш засекогаш“!

И остана жив. Арно не предложи да се пијат средства за дезинфекција.

Седум дена потоа, како по епидемиолошки учебник, почнавме да броиме десетици заразени во нови кластери во Чаир, Бутел, Сарај и Тетово, каде многумина и не веруваат дека вирусот постои. Броењето ќе потрае барем уште една недела, додека не го победиме ковид-19 еднаш засекогаш. За жал, кај некои од изброените новозаразени таа „победа“ може и навистина да биде – засекогаш.

На тоа Филипче вели, трендот е влошен, порастот на бројката на заразени ќе трае и во наредните денови, но без паника, кластерите на заразени се епидемиолошки идентификувани, ќе ја совладаме и оваа нова лоша фаза на кризата. А фактот што петнаесетина високи функционери во државата во еден ден отидоа во самоизолација е доказ дека власта се однесува максимално одговорно, токму демонстрирајќи во јавноста какво треба да ни е здравственото поведение доколку сме имале контакт со некој потврдено заразен. Непријатно, но неопходно.

Прочитајте и...  Гаф, замор, деконцентрација – „федерализација“!

На Филипче и на тие околу него устата пена им фати од повторување на потребата граѓаните да ги спроведуваат насоките за однесување во услови на епидемија. Маски, маски, маски… Дистанца, дистанца, дистанца… Седете повеќе дома, пријавете симптоми, кажете со кого сте се дружеле ако се заразите… Доколку има потреба, повторно карантин во Скопје, Тетово, можеби и Штип.

Оти, што требаше да прави Здравствената комисија со Младоженецот, на пример? Или со овие што играат по кафеански маси? Или со многу од нашите синови и ќерки кои, наспроти сè, не престануваат да се журкаат и да се собираат по паркови и излетнички места? Или со… И така натаму. Знаеме колку луѓе по сите можни социјални и асоцијални мрежи заговараат игнорирање или „олабавување“ на мерките – би можеле неколку универзитети да составиме ако ги преброите докторите по различни науки кои бараат слобода, наместо карантин, бидејќи со рестрикциите се претерало! И, обратно, оние кои заговараат комплетен лок-даун до догледна иднина. Да не ги спомнуваме и тие кои имаат „животен“ партиски и пропаганден интерес во ширењето хистерија.

Прочитајте и...  „Гејм оф тронс“ на македонски начин во режија на ДУИ, ДПА и Алијансата

Затоа тој Филипче и таа Здравствена комисија сè уште делуваат најрационално во целата какофонија. Нивните проценки и прогнози се сè уште најрационални, независно од политичките и други притисоци. Дури и покрај нудењето на подробни објаснувања на секојдневните долги конференции за печат на кои се демонстрира желба за целосна транспарентност – нешто што не е практика во најголемиот број држави во светот кои се справуваат и со неспоредливо потешки состојби со последиците од пандемијата.

Мојот впечаток е дека угледот на Филипче нема да се наруши во пошироката јавност, наспроти продолжувањето на неповолните здравствени извештаи оваа недела. Оние кои сега, од јасни политички или сеирџиски причини, со нетрпение чекаат и Филипче да се зарази и најжестоко го оспоруваат неговиот и авторитетот на другите здравствени експерти, самите ќе доживеат пропаганден контра-ефект веќе идната недела, кога се очекува смирувањето и на овој бран на ширење на заразата.

Прочитајте и...  Редуцирање на бројот на ученици и воведување на смени се дел од сценаријата за почетокот на учебната година од септември

Таква е оваа злобна болест, справувањето со неа бара рационален пристап, трпение и гледање на работите подалеку од сопствениот нос.

Цивилмедиа

Прочитај повеќе

Грчките демонстранти ја нападнаа полицијата, во тензична атмосфера донесен законот за јавни собири (ВИДЕО)

МИА Агенција

Директорот на Клиника за неврологија позитивен на Ковид 19

Мирослава Бурнс

Њујорк тајмс за протестите: Први големи „вирусни“ немири во Европа, со бес кон недоследноста на Вучиќ

Слободен печат

Кој ќе биде новиот претседател на САД: Овој модел погоди 25 пати од 27, еве кому му дава предност

Слободен печат

Бугарскиот претседател се приклучи на протестите: Да ја исфрлиме мафијата од извршната власт (ВИДЕО)

Слободен печат

Водечки трговски ланци во Британија најавија над 5.000 откази

Слободен печат

Остави Коментар

Прочитај повеќе

Разговор со Даница Стојанова, селекторка на музичката програма на Фестивалот „Охридско лето“: Концерт на Жељко Јоксимовиќ нема да има

Кристина Апостолова

Редуцирање на бројот на ученици и воведување на смени се дел од сценаријата за почетокот на учебната година од септември

Михаило Донев

Девојките жртви на „ГЕВГЕЛИЈАХАБ” една по една почнале да пријавуваат во полиција дека им се злоупотребени интимните видеа

Ваучерскиот туризам може да почне: Ако сакаш во хотел, ќе доплатиш екстра пари

Изборни желби: „I have a dream“

Божидар Миљовски

Андоновиќ: Екстремни левичари и десничари, странски служби или самиот Вучиќ- кој стои зад хаосот во Белград? (ВИДЕО)

Слободен печат